Tveir leikir í Lengjubikarnum um helgina

Keflavík leikur gegn KA í Lengjubikarnum á laugardaginn.  Leikurinn verður í Reykjaneshöllinni kl. 16:00.  Dómari leiksins verður Guðmundur Ársæll Guðmundsson og aðstoðardómarar þeir Smári Stefánsson og Þorsteinn Sigurmundason.  Eftir tap gegn Víkingum í fyrsta leiknum í riðlinum hafa strákarnir okkar unnið þrjá leiki í röð gegtn Stjörnunni, Tindastól og ÍBV.  Liðið er nú í 3. sæti riðilsins með 9 stig.

Kvennaliðið byrjar keppni í Lengjubikarnum á sunnudaginn.  Stelpurnar leika þá gegn Sindra í Reykjaneshöllinni kl. 12:00.  Auk þessara tveggja liða leika Fjölnir, Fram og ÍA í riðlinum.

Við hvetjum auðvitað stuðningsmenn til að mæta á leikina um helgina og hvetja okkar fólk.