Undanúrslit gegn KR

Það verða KR-ingar sem verða andstæðingar okkar í undanúrslitum Lengjubikarsins.  Undanúrslitaleikurinn verður á KR-vellinum á föstudaginn kl. 19:00.

Okkar menn tryggðu sætið í undanúrslitunum með sigri á FH í 8 liða úrslitum.  Þeim leik lauk reyndar með markalausu jafntefli en okkar menn höfðu betur í vítaspyrnukeppni.  Þar skoruðu strákarnir úr öllum fjórum spyrnum sínum en Beitir markvörður varði tvær spyrnur FH-inga.

Í hinum undanúrslitaleiknum mætir Víkingur R. annað hvort Val eða Breiðablik sem eiga eftir að mætast í 8 liða úrslitunum.  Úrslitaleikur keppninnar verður svo á sumardaginn fyrsta, fimmtudaginn 21. apríl.