Úrslitaleikur hjá 4. flokki á laugardag

Það verður stórleikur á laugardaginn þegar Keflavík og Fjölnir leika um Íslandsmeistaratitilinn í 4. flokki karla.  Leikurinn verður á Nettó-vellinum kl. 12:00.  Við hvetjum alla stuðningsmenn Keflavíkur að mæta á völlinn og styðja strákana.

Drengirnir hafa staðið sig frábærlega í sumar og urðu m.a. ReyCup-meistarar.  Liðið lék í undanúrslitum Íslandsmótsins um síðustu helgi og vann alla þrjá leiki sína í riðlinum.  Keflavík tryggði sér með því sæti í úrslitaleiknum gegn Fjölni sem vann hinn undanúrslitariðilinn.

Þjálfarar 4. flokks eru þeir Jóhann Birnir Guðmundsson og Arngrímur Jóhann Ingimundarson.