Veglegur styrkur frá Geysi Green Energy

Knattspyrnudeild Keflavíkur var eitt af þremur félögum í Reykjanesbæ sem fengu veglegan styrk frá Geysi Green Energy í vikunni.  Knattspyrnudeildin, Blái herinn og Íþróttafélagið Nes fengu öll eina milljón sem kemur sér örugglega vel í starfsemi þessara öflugu félaga.  Geysir Green Energy veitir þessa styrki í tilefni þess að félagið hóf nýlega starfsemi í Reykjanesbæ en fyrirtækið stefnir að fjárfestingum í verkefnum tengdum sjálfbærri orkuframleiðslu.  Við þökkum þennan veglega styrk sem nýtist að sjálfsögðu vel í því viðamikla starfi sem er framundan í sumar.

Á myndinni eru frá vinstri: Auður Nanna Baldvinsdóttir Geysi Green, Lára Ingimundardóttir frá Íþróttafélaginu Nesi, Tómas Knútsson frá Bláa hernum, Rúnar V. Arnarson formaður Knattspyrnudeildar Keflavíkur og Ásgeir Margeirsson, forstjóri Geysir Green Energy. (Mynd: elg / Víkurfréttir)